Inxhinierin e bujqësisë, Petar Matovski, e zuri sherri me një punim shkencor. Në temën e tij të magjistraturës, ka vendosur të zhvillojë vet për qëllime shkencore Canabis Sativa, dhe rritjen e tyre artificiale dhe natyrore, t’i përshkruaj në punimin që synon t’i sigurojë titullin e dëshiruar. Ai kishte mbjell 1,800 fara kanabisi në një fshat të Kratovës, dhe për këtë punë njoftoi vet policinë. I çoi te vendi ku po e zhvillon eksperimentin e tij shkencor, dhe për këtë punë plasi sherri me policinë, e cila e arrestoi dhe akuzoi për prodhim të substancave psikotropike.
E mbajtën në paraburgim gati një muaj, dhe pasi e liruan, ai thotë se nuk do të ndalet me projektin e tij, për shkak të një keqkuptimi, që po cilësohet si naiv.
„Ata ishin të habitur për atë se si e kam mbjellë në një vend aq të lartë dhe për mënyrën se si kam hyrë me farat në Maqedoni. M’i morën farat, pa bërë shënime dhe i dërguan në polici, ndërsa unë kisha përgatitur tre mostra për të tri institucionet, që ta hulumtojnë konstatimin tim. Por ata i morën farat pa bërë shënime, shkuan në MPB në Kratovë dhe më arrestuan”, tha ai.
Sipas avokatit mbrojtjës të Matovskit, Maqedonia ka nënshkruar tre Konventa Ndërkombëtare, me të cilat lejohet të mbillen substanca narkotike për qëllime shkencore. Mirëpo, sipas juristit Janaki Mitrovski, klienti i tij mund të mos i ketë ndjekur me rregull, të gjitha procedurat ligjore për një punim të tillë shkencor.
„Bëhet fjalë për vepër naive, sepse i riu, ka pasur qëllime të mira, por duke e njohur praktikën e organeve tona të hulumtimit, por edhe mos njohurinë e tyre për obligimet ndërkombëtare të drejtësisë, të cilat ky shtet i ka, prapë do të them që ky veprim është naiv. Por megjithatë, ky veprim është bërë më shumë nga mosnjohuria, sepse para se të vepronte kështu, është dashur të konsultohet”, thotë Janaki Mitrovski, njofton Tv 21.
Sipas avokatit, i vetmi problem në akuzat e ngritura kundër klientit të tij, është sasia prej mbi 1800 fara të cilat janë mbjellë. Përndryshe, Matovski, argumenton se sasia e madhe e farave të mbjella ka qëllimin e vet, sepse ai po studion zhvillimin e kësaj bime në kushte natyrore dhe artificiale. Në punimin e tij shkencor, Matovski synon të krahasoj rritjen e bimës kur ujitet nga vet natyra përmes shiut, ose kur ujitet me sistem artificial “pikë për pikë”.
Maqedonia këtë vit u bë shteti i 14 në Evropë, i cili e legalizoi kanabisin për qëllime mjekësore, mirëpo kultivimi dhe shitja e substancës si lëndë e parë e papërpunuar, është ende e ndaluar me ligj. /Telegrafi/
