Presidenti francez, Emanuel Macron nuk do të vizitojë Serbinë, ashtu siç ishte paraparë.
Kjo, sipas mediave serbe, përcjell Telegrafi, është bërë e ditur nga presidenti serb, Aleksandar Vuçiq, gjatë një konference për media, pas një telefonate me presidentin francez.
“Jemi përgatitur për vizitën e tij duke treguar mikpritjen, por për shkak të problemeve të brendshme, ai kërkoi të anulojmë vizitën”, ka thënë Vuçiq.
Ndryshe, edhe sot mediat në Francë në artikujt kryesorë i janë referuar protestave të dhunshme në Paris dhe kritikave të shumta ndaj presidentit Macron.
Prej më shumë se tre javë të ashtuquajturit “jelekët e verdhë” protestojnë kundër rritjes së çmimit të naftës, por edhe rritjes së taksave.
Protesta e zhvilluara Champs-Elysee janë shoqëruar me dhunë dhe arrestime. /Telegrafi/