Kali Kaningau Prayitno nga Java e Indonezisë përpiqej ta adoptonte një mace dhe e ushqente me kujdes, por ajo largohej për çdo natë dhe flinte mbi varrin e pronarit të vdekur.
Burri 28-vjeçar ishte interesuar se ku po zhdukej kafsha e vogël dhe e ka gjetur duke rënkuar sipër dheut, poshtë së cilit ishte kujdestari saj i mëparshëm, transmeton Telegrafi.
Pasi ushqehej dhe pushonte në shtëpinë e re, macja kthehej sërish që të jetë pranë pronarit të mëparshëm.
“E adoptova duke menduar se është e pastrehë dhe luanim së bashku gjatë ditës, por kur vinte nata ajo zhdukej”,, ka rrëfyer Prayitno.
“Shqetësoheshim se ku mund të jetë dhe vendosëm ta zbulojmë. Na vije keq që është zemërthyer dhe i mungon pronari që e kishte”, tha ai.
Pasi është bërë publike ngjarja, shumë njerëz janë interesuar që ta shohin kafshën karakteristike për vendosmërinë që ka. /Telegrafi/
