“Ma keni marr djalin prej gjinit, sot e ke hala bankën e djalit me lula”, reagon nëna e 15-vjeçarit të vrarë në Drenas

Nëna e të miturit të vrarë, A.M. 15 vjeçar, Selvete Muja ka thënë se djali i saj ende e ka të vendosur lulen në bankën e shkollës.

Kështu deklaroi ajo gjatë seancës përmes të cilës palët në procedurë kanë paraqitur pretendimet e tyre lidhur me çështjen kur Xhafer dhe Amir Bardhi po akuzohen për vrasjen e babë e bir, B.M dhe A.M.

Lexo po ashtu Pas vrasjes së 15-vjeçarit dhe babait të tij, Xhafer Bardhi u dënua me burg të përjetshëm - avokati i tij kërkon rigjykim të rastit

“Ma keni marr djalin prej gjinit, prej gjinit ma keni hjek evladin. Fëmijë 14 vjet. Qysh i duket k’tina me ja vra djalin për bukë të gojës. Shko në shkollë ti, sot e ke hala bankën e djalit me lula… Thatë m’ka mbet banka e djalit…”, ka thënë ajo.

Ndryshe, në muajin tetor të vitit të kaluar, Gjykata e Themelore shpalli fajtor me burg të përjetshëm të akuzuarin Xhafer Bardhi, mbi të cilin rëndojnë akuzat për vrasjen e 15 vjeçar dhe babait të tij nga Gradica e Drenasit, ndërsa i akuzuari tjetër, Amir Bardhi (djali i Xhaferit), u lirua nga akuzat në mungesë të provave.

Pas ankesave që kanë dërguar palët e dëmtuara në Gjykatën e Apelit, sot u mbajt seanca gjyqësore.

Avokati i të pandehurit, Xhafer Bardhi, Haxhi Millaku gjatë seancës tha se Gjykata Themelore e shpalli pa të drejtë fajtor klientin e tij.

Ai kërkoi nga Apeli që rasti të kthehet në rigjykim. /Telegrafi/