Aktorja e njohur kosovare, Lyra Xhoci prek ëndrrën e shumë kolegëve të saj, Hollywood-in.
Për këtë ngjitje drejt karrierës ka bërë të ditur për KultPlus, vetë Lyra Xhoci e cila ka specifikuar se ajo është e përzgjedhura e regjisorit Isa Qosja për të vazhduar edukimin profesional në “The Lee Strasberg Theatre & Film Institute, LA California”.
Kështu, Xhoci hyn në histori si e para aktore e rajonit që bëhet pjesë e një ndër akademive më të suksesshme botërore të industrisë së filmit dhe teatrit.
Lyra Xhoci, luajti përkrah aktores me renome ndërkombëtare Mirjana Karanoviq, në filmin e metrazhit të gjatë “ Three windows and a hanging“, ku aty u spikat për rolin e saj.
Filmi “ Three windows and a hanging “, ishte pjesë e Festivalit “Palm Springs International Film Festival”, ku u shpall fitues i Cinema Without Borders me çmimin special nga juria në PSI Film Festival. Lyra, pritet se shpejti të udhëtoj për në Shtetet e Bashkuara të Amerikës.