Site icon Telegrafi

LVV-ja pretendon se asamblistja e tyre kaloi në PDK pasi u kërcënua ajo dhe familja e saj: Të fillojnë hetimet

Lëvizja Vetëvendosje, Qendra në Prishtinë, ka pretenduar se ish-asamblistja e tyre Berna Saraçi, ka kaluar në Partinë Demokratike të Kosovës (PDK), pa vullnetin e saj.

Fillimisht, Lëvizja Vetëvendosje, Qendra në Prishtinë, thotë se është njoftuar nga mediat për kalimin e asambleistes Berna Saraçi në PDK.

Lexo po ashtu PDK-së në Prishtinë i bashkohet asamblistja e LVV-së, Berna Saraçi

“Ky kalim në PDK urojmë të jetë vendim i marrë me vullnet të lirë e jo ndrydhje e devijim i këtij vullneti siç na është paraqitur nga vetë ajo”, thuhet në pretendimin e LVV-së.

“Në mbledhjen e fundit të kryesisë së Qendrës me grupin e asamblesitëve, ish asambleistja Berna Saraçi na ka paraqitur shqetësimet e saj në raport me kërcënimet dhe shantazhet që po i bëhen asaj dhe familjes së saj nga eksponentë të partive të pushtetit lokal. Të njëjtët e paraqitën sot aderimin e saj në këtë subjekt si sukses”.

LVV thonë se ndjehen të shqetësuar për Bernën si ish kolege, por edhe si qytetare e këtij qyteti.

“Gratë në politikë kanë nevojë për mbështetje por mbi të gjitha për vendosmëri që t’i bëjnë ballë çfarëdo shantazhi të ndërlidhur për veprimtarinë e tyre politike”.

LVV ka kërkuar nga institucionet e drejtësisë që të fillojnë hetimet mbi rastin.

“Po ashtu në dijeninë tonë ky është një rast i qartë i kërcënimit andaj ju bëjmë thirrje institucioneve të drejtësisë të fillojnë hetimet mbi rastin”, thuhet tutje në reagimin e LVV-së./Telegrafi/

Exit mobile version