Romelu Lukaku ka thurë elozhe për bashkëlojtarët e tij te Interi, duke i cilësuar ata si një grup special.
Pasi shënoi golin e fitores të martën ndaj Brescias, Lukaku ftoi shokët e skuadrës së Interit për falënderim, duke i quajtur ata një “grup special”.
Në një video të postuar në mediat sociale, futbollisti përdori momentin për të falënderuar skuadrën për mënyrën e sjelljes së tyre dhe pagoi faturën për një darkë të këndshme Sushi në Milano.
“Jam shumë e lumtur që jam këtu me ju. Faleminderit për ndihmën që më dhatë. Ky është një grup i veçantë”, ka thënë Lukaku gjatë një fjalimi rreth tavolinës.
Lukaku u transferua tek Nerazzurrët nga Manchester Unitedi këtë verë, kur Interi zbrazi bankën për të sjellë golashënuesin belg në Itali.
Djelmoshat e Antonio Contes janë të dytët në kampionat, ndërsa Lukaku tashmë ka shënuar shtatë gola me ekipin e ri. /Telegrafi/