Romelu Lukaku ka konfirmuar se është i gatshëm të debutojë në takimin ndaj Arsenalit që luhet të dielën e kësaj jave nga ora 17:30.
Sulmuesi belg e kompletoi rikthimin te The Blues para pak ditësh nga Interi në shumën rëkore për klubin, në 115 milionë euro.
Përmes një konference për media, Lukaku ka thënë se ai është i gatshëm të luajë, është vaksinuar dy herë, derisa ka folur edhe për gjendjen e Arsenalit dhe nivelin e tyre.
“Ëndrra është bërë realitet dhe tani duhet të tregoj vetën në fushë. Është koha t’i rikthehem punës, paraqitjet do të flasin”, ka thënë belgu.
“Tashmë jam i gatshëm të luajë ndaj Arsenalit. Po ashtu, unë jam vaksinuar dy herë dhe mezi pres të dalë në fushë”.
“Kualitetet? Arsenali është një skuadër në ndërtim, mendoj. Është e vështirë t’i krahasojë Chelsean me ta”.
“Adaptimi me stilin e lojës së Chelseat? Është e gjitha në bazë të komunikimit në fushë. Këtë stil të lojës e luaj te Belgjika dhe nuk e kam problem”.
“Numri në fanellë? A mund ta them? Po, do e kem numrin 9 (e mori fillimit 18, por largimi i Tammy Abraham ia ka mundësuar një gjë të tillë). Jam i lumtur dhe me fat të jem në këtë situatë”, ka shtuar më tej Lukaku. /Telegrafi/