Romelu Lukaku bëri një deklarim befasues, duke pretenduar se 23 nga 25 lojtarët e Interit ishin të sëmurë me kollë dhe ethe në janar, por ata nuk u testuan për COVID-19.
Deri më tani, Nerazzurët nuk ka pasur raste të konfirmuara me coronavirus, pavarësisht se janë në Lombardi, epiqendra e pandemisë në Itali.
Tani, Lukaku sugjeron se kishte disa situata shumë të dyshimta që po ndodhnin prapa skenave gjatë bisedës në Instagram me Kat Kerkhofs, e cila është një prezantues belge dhe gruaja e sulmuesit të Napolit, Dries Mertens.
“Kishim një javë pushim në dhjetor, u kthyem në punë dhe betohem se 23 nga 25 lojtarët ishin të sëmurë. Nuk po tallem. Ne luajtëm kundër Cagliarit të Radja Nainggolan dhe pas rreth 25 minutash, njëri prej mbrojtësve tanë u desh të linte fushën. Ai nuk mund të vazhdonte dhe gati u zbeh ”, ka thënë sulmuesi.
Lojtari që ai po i referohet është Milan Skriniar, i cili u largua nga fusha për 17 minuta në atë ndeshje më 26 janar sepse kishte marramendje dhe nuk ishte shëruar plotësisht nga gripi.
Rasti i parë zyrtar i coronavirusit në Itali nuk ishte deri më 21 shkurt, kështu që ata nuk u testuan.
“Të gjithë kolliteshin dhe kishin ethe. Kur bëja stërvitjet për t’i ngrohur muskujt, ndihesha shumë më nxehtë se zakonisht. Nuk kisha vuajtur nga ethet me vite”.
“Pas ndeshjes ishte një darkë e planifikuar me mysafirë nga Puma, por unë i falënderova ata dhe shkova direkt në shtrat. Asnjëherë nuk i kemi bërë testet COVID-19, kështu që kurrë nuk do ta dimë me siguri”, ka shtuar më tej Lukaku.
Por, ata mund ta kuptojnë shumë shpejtë, pasi në Serie A është duke u planifikuar që ata të bëjnë analizat e gjakut dhe aty do të kuptohet se a kanë qenë të infektuar. /Telegrafi/