Luis Suarez vazhdon formën e lartë te Gremio, gjen golin e katërt në dy ndeshje

Luis Suarez vazhdon të bëjë gjënë e tij dhe gjëja e tij është, siç ka qenë gjatë gjithë karrierës së tij, të shënojë gola, në çdo ndeshje.

Lojtari uruguaian luajti ndeshjen e dytë me ekipin e tij të ri, Gremio de Porto Allegre, dhe shënoi sërish.

Suarez, i cili bëri debutimin e tij me një het-trik në ndeshjen që korrespondon me Superkupën e Brazilit, shtoi një gol në ndeshjen e dytë radhazi.

Lexo po ashtu Luis Suarez shënoi het-trik për 38 minuta në debutimin e tij me Gremion, në fund fitoi trofeun

Sulmuesi i njohur shënoi një gol të bukur në këndin e epërm të portës pas një goditje të fortë dhe të saktë, gol që i dha skuadrës së tij tre pikë të rëndësishme kundër SER Caxias.

Uruguaiani përfitoi nga një lojë kolektive në minutën e 76-të të lojës për të shënuar për 1-2 falë kontrollit të mirë brenda zonës dhe këmbës së djathtë të pandalshme.

Katër gola në dy ndeshje tregojnë edhe një herë se Suarez është një golashënues i lindur. /Telegrafi/

https://www.youtube.com/watch?v=SkAG1DxsZqE