Një video rrëqethëse është publikuar në internet, në të cilën shfaqet momenti kur turistët derisa po vizitonin një kopsht zoologjik, një luan duke tentuar t’iu afrohet bie në një gropë të thellë.
Në video mund të shihet luani i quajtur Elsa që ishte shpëtuar nga një cirk ku po keqtrajtohej, duke rënë në një gropë në tentim për t’iu afruar turistëve në kopshtin zoologjik Bioparque Strella në Meksikë, transmeton Telegrafi.
Derisa turistët filluan të bërtasin nga frika se luani do t’i sulmojë, ndodh e papritura dhe ai përfundon në gropën e thellë plot 5 metra dhe të gjerë 8 metra.
Zëdhënësi i kopshti zoologjik Arturo Moar ,ka bërë të ditur para gazetarëve se nuk ekzistonte asnjë rrezik për sulm, pasi që luani mund të kërcej vetëm 5 metra derisa gropa ishte e gjerë mbi 8 metra.
Ndërkaq luani është dërguar me urgjencë në veterinari ku është konstatuar se nuk ka pësuar ndonjë lëndim serioz. /Telegrafi/
