Këngëtarja dhe prezantuesja e njohur shqiptare, Luana Vjollca, ka tash e sa kohë që ka qëndruar në heshtje sa i përket të ardhmes së saj në televizion.
Që pas largimit nga Top Channel, ajo nuk është parë me sezonin e ri të emisionit të saj, “Shiko kush luan”, duke lënë në pikëpyetje fansat se ku do të mund ta shohin në një të ardhme të afërt.
Mesa duket ajo ka shqyrtuar ofertat nga televizionet e ndryshme dhe tashmë është në prag të një marrëveshje të re.
Portali Syri Net ka publikuar një video të saj nga takimi me pronarin e televizionit ABC në Tiranë.
Sipas burimeve të të njëjtit medium, televizioni në fjalë i ka ofruar pagë mujore mbi 15 mijë euro për të qenë pjesë e tyre.
Vet Luana nuk ka dhënë detaje konkrete mbi këtë temë, megjithatë u ka premtuar fansave se shumë shpejt do të kthehet në televizion. /Telegrafi/
