Përgjatë një periudhe të shkurtër kohore ka publikuar dy projekte muzikore. Fjala është për Luana Vjollcën, e cila në muajt e fundit solli dy bashkëpunime, njërin me Ramadan Krasniqin – Danin dhe tjetrin me grupin “TNT”.
Por, kjo nuk është e tëra, pasi këngëtarja shqiptare sërish po vjen në një bashkëpunim, emrin e të cilit nuk e ka bërë publik akoma.
Megjithatë, biondja ka nisur xhirimet e videoklipit të ri dhe në një pjesë shfaqet mjaft joshëse nga pishina.
“Natën vonë”, ka shkruar ajo krahas një videoje, të cilën e ka publikuar në rrjetet sociale.
27-vjeçarja edhe në këtë këngë është duke bashkëpunuar me producentin Bini Diez dhe stilisten Blerina Kllokoqi-Rugova.
Ndryshe, kënga e saj e fundit me “TNT”, “Moj Bjondinë me sytë e zi”, ka mbledhur mbi dy milionë shikime në YouTube. /Telegrafi/