Show emisioni “Super Sfida” të dielën u shfaq edhe për të fundit herë këtë sezon, pas 32 emisioneve (garave) të cilat janë përcjellë me shumë dramë dhe tension.
Në finalen e madhe të këtij show emisioni janë ballafaquar ekipi i djemve të “L’sho n’ler” me ata të “Alsat M”, ku treshja e djemve të “L’sho n’ler” doli fitues.
Derisa ekipi “Alsat M” ishte në epërsi të lehtë, loja e fundit (njëherësh loja e 15-të) u bë vendimtare që ekipi “L’sho n’ler” të dalë triumfues, duke shtuar ngazëllim dhe festë te djemtë e grupit (Dardani, Bujari dhe Agani).
Dhe pas kalimit (fitores në pesë gara radhazi) erdhi koha që fituesit të marrin çmimin e madh. Djemtë e “L’sho n’ler” për fitoren e tyre të madhe u shpërblyen me veturën Dacia, me kilometrazh zero-zero.
“Super Sfida”, show emisioni që çdo të diel bashkonte para ekranit anëtarët e familjeve kosovare, do të rikthehet përsëri në muajin shtator./Telegrafi/