Nga partia në pushtet LSDM thonë se me rebalancimin e buxhetit stabilizohet ekonomia e Maqedonisë dhe mundësohet rritja e pagave.
“Qeveria vazhdon të zhvillojë në mënyrë aktive masa ekonomike që stabilizojnë ekonominë, mundësojnë rritjen ekonomike dhe rritjen e pagave. Me rebalancimin, buxheti vazhdon të kthejë gjithnjë e më shumë para mbrapa tek qytetarët. Janë dhënë 200 milion denarë shtesë për masa aktive të punësimit, të cilat do të ndikojnë në uljen e papunësisë dhe krijimin e vendeve të reja të punës”, thonë nga LSDM.
Nga atje thonë se rebalanci parashikon gjithashtu subvencionimin e kontributeve nga sigurimi i detyrueshëm shoqëror për kompanitë që do të rrisin pagat e punonjësve të tyre prej 600 në 6.000 denarë, për të cilën janë siguruar 400 milion denarë.
“Kjo masë, nga njëra anë, shtyp ekonominë e zezë, ndërsa nga ana tjetër lejon rritjen e prurjeve të fondeve në fondin e pensioneve.
Trendi i rritjes së pagave vazhdon. Punonjësit e administratës publike do të marrin një rritje prej 5% nga paga e shtatorit”, thonë nga LSDM./Telegrafi/