Lidhja Social-Demokrate e Maqedonisë i është kthyer çështjes së klinikës së syve, përmes një konference të mbajtur nga Zllate Mehmedoviq, anëtarë i komisionit për shëndetësi në këtë parti, transmeton Telegrafi Maqedoni.
Ai akuzon se gjatë operacioneve të syve, pacientëve u janë dhënë injekcione që nuk kanë qenë për sy dhe se përgjegjësia për këtë shkon deri te ministri Nikolla Todorov.
Memedoviq deklaron se preparati ”Avastin” rekomandohet vetëm për përdorim të venëve, bazuar në përshkrimin e prodhuesit, duke shtuar se edhe raporti i Agjencisë për ilaçe thotë se ky preparat nuk është i aprovuar për sy./Telegrafi/
