Qe një kohë është duke u spekuluar se Dejan Lovren nuk ka të ardhme te Liverpooli, duke qenë se nuk bën më pjesë në planet e Jurgen Kloppit.
Ndërsa Liverpool Echo raporton se mbrojtësi kroat do të largohet nga Anfieldi në afatin e ardhshëm kalimtar.
30-vjeçari konsiderohet tepricë nga Redsat, prandaj e ardhmja e tij do të jetë te ndonjë klub tjetër.
Lovren u transferua te Liverpooli në vitin 2014 nga Southamptoni, ndërsa vjen nga Akademia e Dinamo Zagrebit dhe ka luajtur edhe në Lyon të Francës.
Klubet londineze, Arsenal, Tottenhami Hotspur dhe West Ham United, kanë shprehur interesim për të, prandaj mund ta zgjatë qëndrimin në Ligën Premier. /Telegrafi/