Artistja me prejardhje shqiptare, Dua Lipa, është duke pasur sukses të madh në industrinë muzikore.
Ajo pasi mori çmime të shumta në evenimente, zgjodhi që të befasojë fansat edhe me një risi tjetër.
Dua ditë më parë bëri të ditur se ka lansuar klipin e këngës “Love Again”, e cila u pëlqye shumë edhe në versionin ‘audio’.
Deri më tani në kanalin YouTube po e njëjta ka marrë 20 milionë klikime, teksa është bërë e dyta më e dëgjuara në Spotify.
Për një arritje të tillë Lipa nuk e ka lënë pa falënderuar fansat e saj, të cilët e përkrahin vazhdimisht.
“Love Again ka arritur 20 milionë klikime, faleminderit dashuritë e mia. Faleminderit po ashtu që më keni bërë artisten e dytë më të dëgjuar në Spotify”, ka shkruar ajo.
Përndryshe, në klipin e projektit këngëtarja u shfaq me një stil interesant, duke marrë komplimente të shumta. /Telegrafi/
