Loshaj shënon në fitoren bindëse të Istanbulspor përballë Hatayspor

Istanbulspor ka fituar 3-0 në udhëtim te Hatayspor në kuadër të javës së 32-të në Superligën e Turqisë.

Pjesa e parë përfundoi pa gola, derisa kishte një penallti të humbur nga ekipi mysafir në minutën e 14-të.

Por, gabimin e bashkëlojtarit e përmirësoi Florian Loshaj, kur shënoi për 1-0 në minutën e 68-të, ndërsa u ndihmua pikërisht nga Larentino që dështoi në pjesën e parë nga 11 metra.

Për 2-0 u përkujdes Mamadou, që realizoi në minutën e 71-të.

Fitoren e Istanbulspor e vulosi Temel, që shënoi në minutën e 87-të për tri pikë që nuk i ndihmojnë, pasi tashmë kanë rënë nga liga.

Në anën tjetër, Loshaj në këtë sezon ka shënuar pesë gola. /Telegrafi/