Loriana Kuka e ka nisur mirë me fitore Grand Prixin e Budapestit në Hungari, por është ndalur pastaj me humbje.
Në duelin e saj të parë, ishte i vlefshëm për raundin e dytë, Kuka kishte përballë xhudisten hungareze, Fanni Toth.
Në këtë duel, Loriana u tregua e shkathët duke arritur të fitojë me ippon në kategorinë deri në 78 kilogramë.
Pas kësaj fitore, radha i erdhi në çerekfinale të përballet me xhudisten nga Kuba, Kaliema Antomarchi.
Këtë përballje xhudistja jonë e nisi mirë dhe ishte afër të fitonte, por pas një gabimi të bërë u mposht nga kubanezja.
Megjithatë, gara nuk përfundon këtu për vajzën e re pejane, e cila medaljen e bronztë do ta kërkojë nga repesazhi.
Në repesazh, Loriana do të përballet me portugezen, Patricia Porsampaio. /Telegrafi/