Kapiteni legjendar i kombëtares shqiptare, Lorik Cana, ka postuar një foto në rrjetin social instagram, ku është shfaqur me arbëreshët e Italisë.
Futbollisti i cili la kombëtaren pas kampionatit evropian, vazhdimisht përcjell kombëtaren pavarësisht angazhimeve tjera.
Ai është në Itali, në Palermo, ku ka takuar arbëreshët e Italisë, shqiptarët të cilët kanë ruajtur gjuhën dhe kulturën për më së pesë shekuj.
Këtë me krenari e ka treguar Loriku në Instagram, takim për të cilin ai shprehet me emocione.
“Lumturi dhe krenari, mes arbëreshëve që ruajtën gjuhën, kulturën për më shumë se pesë shekuj dhe me fëmijë të mrekullueshëm”, u shpreh Cana në rrjetin social Instagram.
Cana njihet si patriot i madh dhe njeri që ka sakrifikuar shumë për kombëtaren shqiptare të futbollit. /Telegrafi/