Agjenti i Andrea Barzaglit ka thënë se klienti i tij do ta mbyllë karrierën te Juventusi.
35-vjeçari ka qenë pjesë e rëndësishme e suksesit të bardhezinjve, krahas Leonardo Bonuccit dhe Giorgio Chiellinit në fazën e mbrojtjes.
Ai është në vitet e fundit të karrierës, mirëpo nuk dëshiron të shkojë në ndonjë skuadër më të vogël.
“Sa i përket Juventusit, aty do ta përfundojë karrierën”, ka thënë agjenti Claudio Orlandini për TuttoJuve.com.
Më tej, ai ka theksuar se edhe krerët e kombëtares së Italisë i kanë kërkuar Barzaglit që të qëndrojë me përfaqësuesen akoma. /Telegrafi/