Shuma e pagave të dyshes së Arsenalit, Mesut Ozil dhe Alexis Sanchez, është më e vogël se paga e vetme e Paul Pogbas te Manchester Unitedi.
Daily Mail ka bërë publike listën e lojtarëve më të paguar në Ligën Premier duke marrë në konsideratë rrogat e tyre pa e paguar tatimin (bruto), ndërsa nuk janë përfshirë bonuset.
Pogba, i cili nënshkroi për Djajtë e Kuq për 89 milionë funte nga Juventusi gjatë verës, është më i paguari në kampionatin anglez me 290.000 funte në javë, transmeton Telegrafi.
Edhe Ozil edhe Sanchez janë në bisedime me Topçinjtë për rinovimin e kontratave aktuale, të cilat skadojnë në verën e vitit 2018.
Mesfushori gjerman aktualisht përfiton 140.000 funte në javë dhe është lojtari më i paguar te Arsenali. Ndërkaq, Sanchez paguhet 130.000 funte në javë.
Futbollistët më të paguar në Ligën Premier:
1. Paul Pogba – 290.000 funte në javë
2. Wayne Rooney – 260.000 funte në javë
3. Zlatan Ibrahimovic – 250.000 funte në javë
4. Sergio Aguero – 240.000 funte në javë
5. Yaya Toure – 220.000 funte në javë
6. Eden Hazard – 200.000 funte në javë
7. David Silva – 200.000 funte në javë
8. David De Gea – 185.000 funte në javë
9. Raheem Sterling – 180.000 funte në javë
10. Kevin De Bruyne – 170.000 funte në javë
11. Cesc Fabregas – 170.000 funte në javë
12. Mesut Ozil – 140.000 funte në javë
13. Juan Mata – 140.000 funte në javë
14. Bastian Schweinsteiger – 135.000 funte në javë
15. Alexis Sanchez – 130.000 funte në javë
/Telegrafi/