Manuel Locatelli ka përfunduar testet mjekësore në Juventus përpara zyrtarizimit të transferimit të tij nga Sassuolo, ku vjen si huazim dyvjeçar me detyrim blerje për 35 milionë euro.
Mesfushori 23-vjeçar mbërriti në Torino mbrëmë, duke qëndruar në kompleksin e klubit ‘J-Hotel’, para testeve mjekësore këtë mëngjes.
Ai doli nga qendra mjekësore dhe përshëndeti fansat që e prisnin jashtë, duke nënshkruar autografe dhe duke bërë foto me ta, teksa shumë prej tyre këndonin emrin e tij.
Visite in corso al J|Medical ⚪⚫@locamanuel73 💪 pic.twitter.com/ZwBsvzAemu
— JuventusFC (@juventusfc) August 18, 2021
Pas negociatave disa javore, marrëveshja më në fund u arrit dje për një huazim dyvjeçare me detyrimin blerje për 35 milionë euro, përfshirë edhe bonuset.
#Juventus: visite mediche terminate per #Locatelli // Locatelli underwent his medical tests at Juventus 🇮🇹⚪️⚫️ @Goalitalia @Goal pic.twitter.com/fUUDbSNshb
— Romeo Agresti (@romeoagresti) August 18, 2021
Sassuolo nuk do të marrë para për dy sezonet e para, por ata do të mbajnë një përqindje të kartonit në shitjen e ardhshme, diku midis 5 deri në 10 për qind. /Telegrafi/