Ministri në detyrë i Zhvillimit Ekonimik dhe anëtari i Kryesisë së AKR-së, Valdrin Lluka ka thënë se nëse kalojnë pragun koalicioni AKR-NISMA ka ftesë për të qenë pjesë e Qeverisë.
Lluka në “Dossier D” në RTV Dukagjini ka thënë se numri i votave nga Serbia ka prishur procesin dhe ka dëmtuar edhe koalicionin AKR-NISMA.
Ai ka thënë se ky koalicion nuk do ta kishte problem kalimin e pragut nëse “votat e ardhura jashtëligjshëm nga Serbia” nuk do merreshin parasysh në rezultatin final.
Anëtari i Kryesisë së AKR-së ka thënë se me votat e Serbisë koalicioni është afër pragut me disa dhjetëra vota.
Lluka ka thënë AKR-NISMA do të jenë pjesë e qeverisë së ardhshme nëse arrijnë të futen në Kuvend.
“Kemi qenë të ftuar edhe nga Vetëvendosje edhe nga LDK për t’u bërë pjesë e Qeverisë nëse kalojmë pragun”.
Ai ka thënë se nëse futen në Kuvend, nga 7 deputetë sa do të merr koalicioni NISMA-AKR, ata do t’i kenë tre deputetë.
“I kemi të sigurt dy deputetë nga gjinia mashkullore dhe një nga gjinia femërore”.
Anëtari i Kryesisë së AKR-së ka thënë se zgjidhja ma e mirë do të ishte rinumërimi i tërësishëm i votave dhe sipas tij në këtë rast./Telegrafi/