Llapi ka fituar 2-0 në udhëtim te Feronikeli në kuadër të javës së 12-të në Ligën Premier.
Skuadra nga Podujeva e filloi mjaft mirë takimin, duke rrezikuar me anë të Selmanit, por që goditja e tij përfundoi në duart e portierit.
Momenti vendimtar i pjesës së parë erdhi në minutën e 38-të, kur Rivera shënoi në skuadrën që drejtohet nga Tahir Batatina.
Edhe pjesa e dytë disi ishte e dominuar nga mysafirët, që realizuan edhe golin e dytë.
Në minutën e 61-të, nga një gabim i mbrojtjes së Feronikelit, lojtari i Llapit, Valmir Veliu përfitoi për të shënuar për 2-0.
Deri në fund, llapjanët kishin shanse të mira, por që në fund u ndanë të kënaqur me dy golat dhe tre pikët e arkëtuara.
Pas javës së 12-të, Llapi është ngjitur në pozitën e pestë me 15 pikë, ndërsa Feronikeli mbetet në të fundit me 10 sosh. /Telegrafi/