Kryetari i Komunës së Drenasit, Ramiz Lladrovci ka reaguar pas deklaratave të deputetit të Nisma, Milaim Zeka.
Lladrovci përmes profilit të tij në Facebook nuk ka nguruar ta quaj Zekën si “gazetaruc” dhe shpifës.
Ai ka thënë se Zeka nuk po i publikon ato që pretendon, sepse sipas tij, nuk ekzistojnë.
“Nuk ezkistojnë as çanta, as incizime as letra denoncuese. Nuk ekzistojnë, ato janë pjesë e imagjinatës tuaj të sëmurë, të metodës shpif, shpif se diçka mbetet”, ka shkruar Lladrovci.
Ndryshe, këto reagime kanë ardhur një ditë pasi që që deputeti i Nismës Socialdemokrate, Milaim Zeka, ka deklaruar se Ramiz Lladrovci është propozuar për kryetar të Drenasit përmes shantazheve që ia ka bërë drejtpërdrejt Presidentit Hashim Thaçi.
Zeka në emisionin “Debat Plus” në RTV Dukagjini, ka deklaruar se këto të cilat po i thotë janë punë e Prokurorisë.
“Ekzistojnë tri letra me nënshkrimin e Ramiz Lladrovcit të vitit 2003, ku ai e akuzon presidentin Thaçi për një vrasje të rëndë të një njeriu, i cili sot është dëshmor në Kosovë. E akuzon për vrasjen e Behadin Hallaqit, po e them me emër”, kishte theksuar Zeka,
Zeka thotë se ky reagim akuzues i Lladrovcit vjen pasi Hashim Thaçi nëpër tubime të ndryshme partiake dhe rrethe të ndryshme shoqërore e kishte akuzuar Ramiz Lladrovcin si keqpërdoruesin më të madh të fondeve “Vendlindja Thërret”. /Telegrafi/
