Tanguy Ndombele është bërë njëri nga mesfushorët më të kërkuar këtë vit.
Mesfushori francez ka shkëlqyer me fanellën e Lyonit duke zgjuar interesimin e skuadrave të mëdha.
Juventus, Manchester City, Paris Saint Germain, Liverpool e Real Madrid janë ekipet e interesuara për francezin.
Por mediat franceze kanë raportuar se finalisti i Ligës së Kampionëve, Liverpool ka bërë përparime për të nënshkruar me Ndombelen.
The Reds kanë zhvilluar disa bisedime me Lyonin dhe janë afër të nënshkruajnë me mesfushorin qendror.
Skuadra franceze Lyon ka bërë të qartë se për ta lënë të lirë yllin e tyre të largohet duhen 70 milionë euro.
Ekipi i drejtuar nga Jurgen Klopp është gati të ofrojë 55 milionë si dhe 15 të tjera në formë bonusesh për 22-vjeçarin. /Telegrafi/