Liverpool duket se do t’i dorëzojë Alexis Mac Allister fanellën e shumëdëshiruar me numrin 10 nëse ai arrin në Anfield.
Reds janë gati për të nisur atë që ka të ngjarë të jetë një revolucion në skuadër, pasi ata përpiqen të rikthehen në rrugën e duhur pas një edicioni zhgënjyes. Ylli i Brightonit është ndër objektivat kryesorë të Jurgen Klopp.
Raportimet kanë bërë të ditur se një marrëveshje po afrohet gjithnjë e më shumë për mesfushorin argjentinas dhe duket se Liverpool tashmë ka vendosur për numrin e fanellës që ai do të veshë pasi të arrijë në Merseyside.
Sipas raportimeve në ishull, Liverpooli mund t’i dhurojë mesfushorit fanellën me numrin 10-të.
Është një numër që ai e ka edhe të Brightonit, ndërsa me të kishte luajtur edhe për grupmoshat e reja të Argjentinës.
Shuma e transferimit besohet të jetë 60 milionë euro, e prezantimi i tij pritet të ndodhë gjatë muajit të ardhshëm. /Telegrafi/
