Ozan Kabak dhe Ben Davis kanë qenë dy mbrojtësit që janë transferuar te Liverpooli gjatë afatit kalimtar të janarit.
Mbrojtësi turk Kabak debutoi ndaj Leicesterit, por që paraqitja e tij ka lënë shumë për të dëshiruar.
Mediat angleze kanë raportuar se Liverpooli do të kërkojë afrimin e një mbrojtësi edhe gjatë afatit kalimtar të verës.
The Reds vazhdojnë të vuajnë nga lëndimet, pasi tre mbrojtësit e parë Virgil Van Dijk, Joe Gomez e Joel Matip do të jenë jashtë fushave edhe për disa muaj.
Sipas asaj që ka raportuar The Sun, mbrojtësi brazilian i Torinos, Bremer është futur në listën e ngushtë të trajnerit Jurgen Klopp.
23-vjeçari prej kohësh përcjellet nga Liverpooli, derisa tani ka fituar edhe simaptinë e Klopp i cili dëshiron transferimin e tij në Anfield.
Ai iu bashkua Torinos në vitin 2018, por falë paraqitjeve të mira këtë edicion vlera e tij është rritur ndjeshëm dhe tani kushton rreth 30 milionë euro. /Telegrafi/