Site icon Telegrafi

Liverpooli mposhtë me lehtësi Cardiffin dhe kalon në rrethin tjetër të Kupës FA

Romak Zeqiri

Liverpooli ka mposhtur pa ndonjë problem të madh Cardiff Cityn në kuadër të 1/16 së finales në Kupën FA.

The Reds ishin nikoqir të skuadrës uellsiane në Anfield dhe triumfuan me rezultat 3-1.

Pjesa e parë nuk solli gola, përkundër që dy skuadrat kishin disa raste të mira shënimi.

Për ta parë golin e parë në ndeshje, tifozët e pranishëm në Anfield u desh të presin minutën e 53-të, kur Diogo Jota shënoi pas asistimit nga Trent Alexander-Arnold për 1-0.

15 minuta më vonë, The Reds dyfishuan epërsinë 2-0, kur transferimi i ri Luis Diaz asistoi për Minaminon që realizoi nga afërsia.

E në minutën e 76-të, talenti anglez Harvey Elliott realizoi me një gjuajtje të fortë për 3-0, duke siguruar fitoren e skuadrës së Jurgen Klopp.

Krejt çfarë bën mysafirët ishte goli i Rubin Colwill i shënuar 10 minuta para fundit të ndeshjes.

Deri në fund, dy skuadrat krijuan edhe disa raste shënimi, por që gola më nuk pati.

Kësisoj Liverpooli kalon në 1/8 e finales në Kupën FA ku më vonë do të hidhet shorti dhe do ta mësoj kundërshtarin. /Telegrafi/

Exit mobile version