Mesfushori i Napolit, Fabian Ruiz është duke u lidhur me klubin e madh anglez, Liverpoolin.
Kampionët evropianë filluan mbrojtjen e titullit të tyre me një humbje 2-0 në udhëtim te Napoli i Ruizit.
Njëri nga lojtarët kryesor të kësaj ndeshje ishte pikërisht mesfushori spanjoll, i cili shkëlqeu me paraqitjen e tij të mirë.
Sipas mediumit britanik Daily Mail, ai po monitorohet nga Liverpooli, të cilët janë të interesuar të rivalizojnë Real Madridin dhe Barcelonën.
Ruiz, i cili u bashkua me Napolin nga Real Betis për 26.7 milionë euro vitin e kaluar e krahason veten me Xavin.
“Unë u dashurova me futbollin falë tij. Ai ishte një shtyllë për Barcelonën dhe Spanjën për kaq shumë vjet dhe unë ëndërroj t’i ndjek në gjurmët e tij”, ka thënë Ruiz për Xavin. /Telegrafi/