Liverpool ka konfirmuar lajmin e hidhur se një tifoz humbi jetën në tribunë gjatë ndeshjes kundër Benficas.
Liverpool ka lëshuar një deklaratë për shtyp duke konfirmuar lajmin tragjik të vdekjes së tifozëve në tribunat e Anfield, ku gjithçka ka ndodhur pak para ndeshjes kundër Benficas.
Një tifoz i Liverpool ishte rrëzuar në tribunat e stadiumit ku menjëherë iu dha ndihma mjekësore, por nuk ka pasur shpëtim.
“Me keqardhje të madhe dëshirojmë të konfirmojmë se tifozi, i cili u sëmur para fillimit të ndeshjes kundër Benficas në Anfield, fatkeqësisht ka ndërruar jetë”, thuhet në deklaratën e klubit.
Klubi i famshëm anglez shtoi se shërbimi mjekësor ka bërë përpjekje heroike për t’i ofruar ndihmë.
“Ne duam të falënderojmë shërbimin mjekësor për përpjekjet e tyre heroike. Falënderojmë gjithashtu shërbimin e urgjencës, ekspertët tanë mjekësorë, gardianët dhe të gjithë tifozët që u gjendën pranë incidentit”, vazhdon komunikata e klubit.
It is with great regret that we can confirm that a supporter who was taken ill ahead of last night’s fixture against Benfica has sadly passed away.
The thoughts of everyone at the club are with the supporter’s family, loved ones and friends.
— Liverpool FC (@LFC) April 14, 2022
Shkaku i vdekjes së tifozëve në tribunat e Anfield nuk është konfirmuar./Telegrafi/