Fitorja 3-0 e Liverpoolit ndaj Leicester Cityt në fundjavën që shkoi në Anfield, ishte e 64-ta me radhë dhe ende nuk kanë shijuar humbje.
Tri vite kanë kaluar nga humbja e fundit e The Reds në stadiumin e tyre dhe duket se skuadrat mysafire që luajnë aty kanë frikë të zhvillojnë lojën e tyre.
Por, Liverpooli nuk është skuadra e vetme me një ecuri kaq të mirë në shtëpi, pasi para tyre është një skuadër.
Më poshtë mund të shikoni skuadrat që kanë shkuar më së largu pa humbje në stadiumin e tyre:
Manchester United – 36 ndeshje (Dhjetor 1998 – Dhjetor 2000)
Manchester United kishte shkuar 36 takime pa pësuar disfatë, atëherë kur në krye të skuadrës ishte Sir Alex Ferguson. Ky rekord i tyre përfundoi në takimin përballë Liverpoolit, me një gol nga gjuajtja e lirë e Danny Murphyt më 17 dhjetor të vitit 2000.
Manchester City – 37 ndeshje (Dhjetor 2010 – Dhjetor 2012)
Roberto Mancini kishte gjetur formulën e suksesit te Citizens dhe po shkatërronte çdo kundërshtar në shtëpi. Mirëpo, ecurisë së tyre pozitive në Etihad i dha fund QPR, që në atë kohë fitoi 2-1.
Liverpool – 64 ndeshje (Prill 2017 – Vazhdon)
Që nga prilli i vitit 2017, The Reds nuk kanë pësuar humbje në shtëpi dhe po vazhdojnë me formë të mirë edhe tani në këtë vit. Humbja e tyre e fundit në Anflied Road ka qenë kundër Crystal Palaces, kur Christian Benteke kishte shënuar dy herë.
Chelsea – 86 ndeshje (Mars 2004 – Tetor 2008)
The Blues kishin ndërtuar një skuadër të frikshme me Jose Mourinhon dhe po korrnin suksese në Ligën Premier. Mirëpo, ishte tetori i vitit 2008, kur Liverpooli i mposhti në Stamford Bridge me golin e Xabi Alonsos, për t’i dhënë fund ecurisë së tyre pa humbje, por që ende e mbajnë rekordin. /Telegrafi/
