Liverpool ka filluar të mendojë për përforcimet e radhës në sezonin e ardhshëm.
The Reds duket se dëshirojnë të sjellin edhe një lojtar që po tregon paraqitje të mira në ligën elitare gjermane.
Bëhet fjalë për për mesfushorin me tipare sulmuese të Borussia Monchengladbachut, Thorgan Hazard.
Liga Financial raporton se vëllai i lojtrarit të Chelseat, Eden Hazard, mund të transferohet në verë në The Anfield Road pasi pëlqehet shumë nga Jurgen Klopp.
Klauzola e largimit të lojtarit që kap shifrat e 30 milionë eurove nuk do të jetë problem për skuadrën angleze.
Madje, mediat angleze kanë raportuar se futbollisti mund të kalojë edhe gjatë afatit kalimtar të janarit.
Ndryshe, 25-vjeçari deri më tani për klubin gjerman ka pasur 96 paraqitje dhe ka shënuar 27 gola. /Telegrafi/