Liverpooli ka kaluar në rrethin tjetër të FA Cup, pasi ka eliminuar Shrewsbury Town me rezultat 4-1.
Të parët që kaluan në epërsi ishin mysafirët, duke shënuar pas vetëm 27 minutash lojë me anë të Daniel Udoh që u asistua nga Nathaniel Ogbeta.
Por, The Reds i barazuan shumë shpejtë shifrat në 1-1 me anë të Kaide Gordon (34’), që u asistua prej Conor Bradley.
Derisa po përfundonte pjesa e parë, Liverpooli fitoi një penallti, të cilën në minutën e 44-të në gol e konvertoi Fabinho.
Në 45 minutat e dytë, vendasit sërish dominuan, për ta realizuar edhe golin e tretë, tani me anë të Roberto Firminos (78’), që pranoi një asistim nga Ibrahima Konate.
GOOOAL – FIRMINO!!
A brilliant backheel from close-range. Class from Bobby!
[3-1] | #LIVSHR
— Liverpool FC (@LFC) January 9, 2022
Skuadra që drejtohet nga Jurgen Klopp nuk ndaloi me kaq dhe e realizoi edhe të katërtin përmes Fabinhos (90+3′), që ishte goli i tij i dytë në këtë takim.
Me këtë fitore 4-1, Liverpooli kaloi në rrehtin tjetër të garës së dytë më të madhe në Angli, FA Cup. /Telegrafi/
GOOOAL – FABINHO!!
Fabinho reacts quickest and blasts the ball into the roof of the net from a tight angle. His second of the game!
[4-1] | #LIVSHR
— Liverpool FC (@LFC) January 9, 2022