Liverpooli, Real Madridi dhe Barcelona janë futu në garë për transferimin e Fabian Ruizit nga Napoli.
Skuadra italiane është në dijeni se nuk mund t’u bëjë ballë ofertave nga tre gjigantët evropian, andaj do të shesë mesfushorin.
Sipas Sunday Express, Napoli është pajtuar që të eshë lojtarin, mirëpo kërkon që nga shitja e tij të fitojë së paku 80 milionë euro.
Real Madridi dhe Barcelona ka kohë që i duan shërbimet e lojtarit, derisa në verë do të përcaktohet e ardhmja e tij.
The Reds së fundmi i janë bashkuar garës për Ruiz, pasi Jurgen Klopp thuhet se është një admirues i madh i lojës së tij.
Trajneri gjerman kishte mbetur i mahnitur me lojën e tij nga përballje e Liverpoolit me Napolin në Ligën e Kampionëve.
The Partenopei kanë paguar për transferimin e tij 30 milionë euro nga Real Betisin, ndërsa vlera e spanjollit tani është rritur në plus 50 milionë. /Telegrafi/