Liverpool i ka garantuar efektivisht vetes një përfundim në top katërshe në Ligën Premier dhe, rrjedhimisht, një rikthim në Ligën e Kampionëve pas një mungese një sezoni.
Statusi i Reds është i sigurt pasi Tottenhami i vendit të pestë u mund nga Arsenali 3-2.
Spurs tani janë 15 pikë prapa Liverpoolit. Duke qenë se kanë 5 ndeshje për të luajtur, ata teorikisht mund të arrijnë me të kuqtë në pikë të njëjta.
Megjithatë, diferenca e tyre e golave është dukshëm më e keqe: ata kanë nevojë për t% shënuar 27 gola për të përfunduar përpara Liverpoolit edhe nëse ky i fundit humbet të gjitha ndeshjet e mbetura.
Fundi i sezonit ka qenë një zhgënjim i madh për Reds. Megjithatë, në fillim të sezonit, duke marrë parasysh një rindërtim pothuajse të plotë të mesfushës, një rikthim në top katër do të shihej si një rezultat pozitiv i sezonit. /Telegrafi/
