Liverpool sërish nuk ka arritur të fitoj në Ligën Premier.
The Reds para shikuesve të vetë kanë barazuar kundër skuadrës së West Bromwich Albion me rezultat 0-0.
Megjithëse patën disa raste për shënim, vendasit nuk arritën të tundin rrjetën e ekipit kundërshtar në 45 minutshin e parë.
I vetmi rast që vlen të theksohet ishte i Roberto Firminos, i cili nuk u tregua i saktë në të 17 minutë para portës së mysafirëve.
Edhe në pjesën e dytë te dyja skuadrat krijuan disa gjysmëraste, por të cilat nuk u konkretizuan me gol.
Solanke pati rast të pastër për shënim për The Reds në të 83 minutë, por mbrojtësit e mysafirëve e larguan topin nga vija e portës.
Deri në fund të ndeshjes nuk pati gol dhe kështu takimi përfundoi pa gola, 0-0.
Pas kësaj, Liverpool zë pozitën e pestë të renditjes tabelore të ligës elitare angleze me 31 pikë ndërsa mysafirët mbeten në vendin e 17 me 15 pikë. /Telegrafi/