Agjencia Kundër Korrupsionit (AKK), ka bërë këtë të mërkurë hedhjen e shortit për të hetuar pasurinë e tërësishme të 20 për qind të zyrtarëve që e kanë deklaruar atë.
Në mesin e zyrtarëve të përzgjedhur për t’iu kontrolluar pasuria nga shteti janë kryeministri Albin Kurti, kryeparlamentari Glauk Konjufca, ministri i Bujqësisë, Faton Peci, kryetari i Partisë Demokratike të Kosovës dhe njëherësh deputet, Memli Krasniqi, kryetari i Aleancës Kosova e Re dhe njëherësh deputet, Behgjet Pacolli.
Pasuria nga AKK-ja do t’u hetohet edhe disa zëvendëskryeministrave, ministrave, deputetë të tjerë të Kuvendit të Kosovës, drejtorëve komunalë, prokurorëve, gjyqtarëve etj.
Lista_per_kontroll_te_plote-sipas_Shortit_2022-1
