Edicioni i 15-të i Festivalit Ndërkombëtar të Filmit PriFest sivjet filloi më 12 shtator dhe mbaroi të dielën, më 17 shtator.
Ky edicion u hap me filmin “Toka brenda meje” nga Fisnik Maxville, bashkëprodhim i Kosovës dhe Zvicrës.
Tradicionalisht, PriFest fokusohet në një shtet, kësaj radhe në shtetin e Izraelit.
Kinemaja izraelite zuri qendrën e vëmendjes në ekranin e madh, ku përveç filmave, ishin të pranishëm edhe regjisorë izraelitë, takimet me të cilët do të shtojnë mundësitë për shkëmbime kulturore me Izraelin.
Edicioni, i cili tashmë do të bëhet si kujtim për vetë themeluesen e festivalit, producentes Vjosa Berisha, përfundoi me ndarjen e shpërblimeve për fituesit.
Faqja zyrtare e PriFestit ka publikuar listën e plotë të çmimeve të filmave të festivalit.
Çmimet për filmat më të mirë:
Mirenjohje speciale per filmin e shkurtër: HOME OF THE HEART nga Sarah Saidan, Francë;
Filmi më i mirë i shkurtër: ROAD TRIPPER, nga Christophe Granger, Francë
Filmi më i mirë i metrazhit të mesëm:
SI NÉ VAJ nga Aulona Selmani, Zvicërr;
Hyjnesha e Artë për aktoren më të mirë Eli Skorcheva për filmin BLAGA’S LESSONS, Bullgari;
Hyjnesha e Artê për aktorin më të mirë shkon për vëllezërit binjak Edgar Morais
Rafael Morais nga filmi NJË FILXHAN KAFE DHE KÊPUCË TË REJA VESHUR, Shqipëri;
Hyjnesha e Artë për regjinë më të mirë ndahet mes Fisnik Maxville dhe Stefan Kumandarev;
Hyjnesha e Artë – Çmimi i PriFest-it për arritje vjetore në kinematografi për kineastin vendor, shkon për:
producentin VALON BAJGORA
‘Çmimi Vjosa Berisha’ – Hyjnesha e Kuqe per filmin me te mirë Ballkanik:
ndahet mes filmave TOKA BRENDA MEJE nga Fisnik Maxville (Kosove, Zvicerr) dhe BLAGA’S LESSONS nga Stefan Kumandarev (Bullgari)./Telegrafi/