Është liruar asamblisti i Lëvizjes Vetëvendosje, Arianit Beqiri, i cili u arrestuar të hënën në mbrëmje nga Policia e Kosovës.
Beqiri në një postim në Facebook thotë se ishte arrestuar pasi nuk donte t’i paguante 20 euro për të parë ndeshjen në shesh.
“Rrnoftë hapësira publike. Poshtë Përparim Rampa! Sheshet duhet të jenë pa pagesë. Sheshet duhet të jenë për qytetarët.
Sot, për ta parë ndeshjen e Kombëtares, në shesh, duhej të paguheshin 20 euro. Ne protestuam kundër kësaj. U arrestuam, tash u liruam. Hapësira Publike do të mbrohet gjithmonë, në çdo mënyrë, me çdo kusht”, shkruan ai në një postim në orët e vona të së hënës.
