Sulmuesi i Përfaqësueses së Kosovës, Lirim Kastrati ka shkëlqyer në fitoren e Lokomotiva Zagrebit ndaj Rijekës.
Lokomotiva Zagrebi ka shënuar fitore me rezultat 2-1 ndaj Rijekës në takimin e vlefshëm për javën e 20-të në Superligën e Kroacisë.
Më meritori në këtë fitore të ekipit kryeqytetas kroat ishte sulmuesi i Kosovës, Lirim Kastrati.
Djaloshi nga Kamenica shënoi të dy golat e skuadrës së tij duke ia siguruar kështu fitoren ndaj një rivali shumë të fortë si Rijeka.
Goli i parë i Kastratit erdhi në minutën e parë shtesë te pjesës së parë, duke shënuar për 1-0.
Kastrati ishte i papërmbajtshëm në minutën e 71-të pasi shënoi për 2-0 duke dribluar portierin kundërshtar.
Me këto dy gola, sulmuesi i Kosovës arrin në kuotën e tetë golave gjithsej dhe renditet i treti në listën e realizatorëve. /Telegrafi/
