Lionel Messi është kurorëzuar më çmimin “Lojtari më i mirë” për vitin 2023, pasi paraprakisht e kishte fituar në vitin 2022.
Ylli argjentinas u nderua edhe një herë tjetër falë paraqitjeve të tij të jashtëzakonshme, që kanë lënë pa fjalë tifozët anembanë botës.
Messi për të fituar këtë çmim mposhti konkurrecnën e Erling Haaland dhe Kylian Mbappe, që po ashtu patën një sezon fantastik.
Për të fituar këtë çmim votuan trajnerët e kombëtareve, kapitenët, gazetarët dhe tifozët në të gjithë botën.
Lionel Messi wins The Best Men’s Player 🪞🏆 pic.twitter.com/w7pxaEtHqw
— B/R Football (@brfootball) January 15, 2024
Fituesi i Kupës së Botës përfundoi me pikë të barabarta (48) së bashku me Erling Haaland, mirëpo sipas Rregullave të Alokimit (neni 12) ky çmim i takon argjentinasit për shkak se mori më shumë vota nga kapitenët.
Messi gjithashtu e fitoi edhe në vitin 2019 çmimin “Lojtari më i mirë” nga FIFA dhe u njoh nga ky institucion si lider në kategorinë e ndeshjeve në pesë raste të ndryshme para saj – 2009, 2010, 2011, 2012 dhe 2015, duke e bërë këtë çmimin e tetë individual në total.
Performancat e jashtëzakonshme të Messit, i mundësuan atij pjesëmarrjen edhe në formacionin më të mirë të vitit nga Ligue 1./Telegrafi/