Pasardhësi në fronin britanik përcaktohet nga prejardhja, gjinia, legjitimiteti dhe feja. Sipas ligjit të zakonshëm, kurora trashëgohet nga fëmijët e sovranit ose linja më e afërt kolaterale e sovranit pa fëmijë.
Ligji i të Drejtave i vitit 1689 dhe Akti i Zgjidhjes i 1701 kufizuan trashëgiminë në fron tek pasardhësit legjitimë protestantë të Sofisë së Hanoverit, të cilët ishin në “bashkim me Kishën e Anglisë”.
Bashkëshortët e katolikëve romakë u skualifikuan nga viti 1689 deri në ndryshimin e ligjit në vitin 2015. Pasardhësit protestantë të atyre që janë përjashtuar sepse janë katolikë romakë kanë të drejtë.
Trashëgimtari i parë i Mbretëreshës Elizabeth II është djali i saj i madh Charles, Princi i Uellsit.
Pas tij në radhë është Princi William, Duka i Kembrixhit, djali i madh i Princit të Uellsit, raporton bbc.
I treti në radhë është Princi George, fëmija më i madh i Dukës së Kembrixhit, i ndjekur nga motra e tij, Princesha Charlotte dhe vëllai i vogël, Princi Louis.
I gjashti në radhë është Princi Harry, Duka i Sussex-it, djali më i vogël i Princit të Uellsit.
Sipas Traktatit të Perthit, i cili hyri në fuqi në vitin 2015, vetëm gjashtë të parët në linjën e trashëgimisë kërkojnë pëlqimin e sovranit përpara se të martohen, pa një pëlqim të tillë, ata dhe fëmijët e tyre do të skualifikohen nga trashëgimia.
I shtati dhe i teti në radhën e pasardhësve janë djali i Princit Harry dhe Meghan Markle, Dukesha e Sussex, Archie dhe vajza e tyre Lilibet.
I nënti në radhë është Duka i Jorkut, Princi Andrew, djali i dytë i Mbretëreshës Elizabeth II dhe Princit Philip. E dhjeta është vajza e tij e madhe Beatrice.
Djali më i vogël i Elizabeth dhe Philip, Princi Edward, Earl of Wessex, është i 14-ti në linjën e trashëgimisë.
Vajza e vetme e Elizabeth dhe Philip, Princesha Anne, është e 17-ta në radhën e fronit britanik.
Nipi më i madh i Mbretëreshës Elizabeth dhe vajza e Princeshës Anne, Zara Tindall, është e 21-ta në radhën e pasardhësit.
Zara është shumë e suksesshme në sportet e kuajve, fituese e medaljes së argjendtë në Lojërat Olimpike të Londrës. /Telegrafi/
