Anthony Joshua e fitoi duelin ndaj Robert Helenius mbrëmë, duke shkaktuar nokaut qysh në raundin e shtatë.
Boksieri britanik pati një strat të ngadalshëm, por që me kalimin e raundit filloi të kishte ritëm më të lartë.
Helenius nuk e përballoi nivelin e tij dhe në raundin e shtatë për një çast lëshoi duart më poshtë se sa që duhet, për të përqafuar dyshemenë.
Pas duelit, Joshua ka kërkuar që njerëzit ta lënë të qetë, pasi është koha e tij në ring.
“Njerëzit duhet të më lënë të qetë, kjo është koha ime në ring”, ka thënë ai fillimisht për DAZN.
“Më lër të vazhdoj të bëj atë që dua të bëj. Heleniusit i thashë të vinte përsëri. Mendoj se ai mund t’u shkaktojë njerëzve shumë probleme”.
“Nuk dua të them shumë. Dua të të shoh përsëri edhe dy herë këtë vit. Faleminderit Eddie (Hearn)”, ka shtuar më tej Joshua.
AJ po synon që në fund të këtij viti të përballet me Deontay Wilderin, më pas në fillim të vitit 2024 të ketë një shans për titullin WBC kundër Tyson Furyt. /Telegrafi/
The ringside angle of THAT @anthonyjoshua finish and the celebration 👀#JoshuaHelenius pic.twitter.com/7qasKMjJmt
— DAZN Boxing (@DAZNBoxing) August 12, 2023
Thank you. Until next time, God bless. pic.twitter.com/P98SQyeGRD
— Anthony Joshua (@anthonyjoshua) August 12, 2023