Këngëtari i njohur shqiptar, Lindon Berisha, është mjaft aktiv dhe i ndjekur në rrjetet sociale.
Ai ndan me fansat imazhe dhe video të ndryshme, teksa së fundmi ka ndarë një lajm të mirë për admiruesit e muzikës së tij.
Artisti nga Maqedonia tregon se ka përgatitur një sërë projektesh dhe se së shpejti pritet të prezantohen para publikut.
“Tu i ra në fije sa këngë mu kanë bërë me i publiku mas pandemisë, këngët e reja rrugës”, ka shkruar ndër tjerash ai.
Ndërkohë reagimet e ndjekësve të tij nuk munguan në hapësirën për komente, të cilët duket se mezi po presin për projektin e radhës të Berishës.
Lindoni vazhdon të pëlqehet për zërin e tij të veçantë, gjersa në fillim të muajit shkurt solli projektin e tij të fundit.
“FLM KLM” mban titullin kënga e lansuar më 10 shkurt që tashmë ka kaluar shifrën e 500 mijë klikimeve në platformën YouTube. /Telegrafi/