Këngëtarja e njohur shqiptare, Linda Halimi, këto ditë është kthyer në vendlindje.
Ajo ka vizituar familjarët e saj në Kosovë, teksa të shtunën e vikendit vendosi ta kalojë me vajzën dhe nënën e saj në një qendër tregtare në Gjilan.
Ajo atje ka hasur në një kënd të brendshëm lojërash për fëmijë, brenda të cilit lejohet pirja e duhanit.
Me shqetësim, Linda ka shkruar në InstaStory se ngeli e tmerruar kur pa se si duhani i atyre që pinë iu servohet fëmijëve, të cilët argëtohen në këndin e lojërave.
“Këndi i lojërave për fëmijë, ndërkohë duhani pihet brenda dhe pa konsideratë, fëmijët thithin po atë ajër të rëndë! Nuk e kuptoj me çfarë logjike lejohet ky krim? Vetëm në Kosovë! Gjilan më saktësisht, tmerr!”, ka shkruar Linda Halimi në InstaStory.
Këngëtarja me prejardhje nga Vitia përndryshe ka më shumë se një dekadë që është zhvendosur në Shtetet e Bashkuara të Amerikës për të jetuar.
Ardhjet e saj në Kosovë dhe Shqipëri gjatë gjithë kësaj kohe kanë qenë më të rralla, me përjashtim këto vitet e fundit. /Telegrafi/