Kryetari i Nismës Socialdemokrate, Fatmir Limaj ka treguar edhe arsyet pse vet ka munguar në një seancë kur është votuar Pako e Rimëkëmbjes Ekonomike.
Limaj, në “Debat Plus” me Ermal Pandurin në RTV Dukagjini ka thënë se në tema nacionale subjektet politike duhet të jenë bashkë.
“Po shpresoj se nga të dy anët do të gjejmë zgjidhje për të kaluar këtë krizë ekonomike. Kosova do të ndihmohet nëse kalohet kjo pako e rimëkëmbjes ekonomike”, tha ai, përcjell Telegrafi.
Limaj është shprehur optimist se nesër do të ketë vota të mjaftueshme për të kaluar Pakon e Rimëkëmbjes Ekonomike.
“Po shpresoj se do të kemi vota edhe përtej koalicionit qeverisës. Do të duhej të kishim”.
I pari i Nismës thotë se për arsye shëndetësore ai vet ka munguar në njërën nga seancat ku është votuar për pakon e rimëkëmbjes ekonomike.
“Në një seancë kam munguar unë, në një seancë tjetër ka munguar dikush tjetër. Do të duhet të gjithë të jenë në krye të përgjegjësisë sepse është kërkesë e ekonomisë dhe interes i secilit qytetar”, deklaroi Limaj./Telegrafi/