Cristiano Ronaldo ka tërbuar francezët me deklaratën e tij të fundit, duke konsideruar kampionatin arab më të mirë se Ligue 1.
Nuk ka vonuar përgjigja nga faqja zyrtare e Ligue 1 që i është përgjigjur ashpër futbollistit portugez Cristiano Ronaldo, i cili në Globe Soccer Awards theksoi se kampionati saudit është më i mirë se ai francez.
“Liga saudite është më e mirë se Ligue 1. Franca është vetëm PSG, gjithçka tjetër është e pakuptimtë. Nëse nuk më besoni, provoni të bëni sprint në 38, 39 ose 40 gradë Celsius dhe do ta shihni”, tha portugezi.
Nuk vonoi shumë reagimi faqes zyrtare së ligës franceze, e cila nuk humbi rastin t’i kundërpërgjigjet futbollistit portugez.
Leo Messi jugando con 38 grados 🌟🇦🇷🐐 pic.twitter.com/2AWglqm8zk
— Ligue 1 Español (@Ligue1_ESP) December 28, 2024
“Leo Messi luan në 38 gradë Celsius”, thuhet në njoftimin e Ligue 1 krahas një fotoje të ish-lojtarit të Barcelonës dhe PSG-së duke festuar titullin e Kupës së Botës me Argjentinën e fituar në Katar në vitin 2022.
Si të mos u mjaftonte kjo, përshkrimit të përmendur i kanë shtuar edhe një emoticon dhie që simbolizon “Më të mirin e të gjitha kohërave”. /Telegrafi/